Video
Read full review
2019-09-01
63 views
餐廳：醉胡爐 (尖沙咀)地址：尖沙咀柯士甸路20號保發商業大廈地舖一個平日嘅晚上，趁住暑假嘅尾聲約左一班大學同學出黎食飯，畢竟都有一段時間無見，傾偈聚舊緊係唔少得，去一間普通餐廳坐得耐又驚比人趕/阻住人地做生意，而大家因為住係香港四方八面嘅關係，就決定係中間點尖沙咀附近搵間火鍋店一邊打邊爐一邊吹下水醉胡爐原意有相聚於胡爐之間嘅意思，「醉」除左指可以一齊飲酒作樂之外，仲有諧音「聚」嘅意思，簡直係迎合哂我同朋友相聚嘅目的由於自己鍾意食辣嘅關係，但又有兩個朋友唔食得辣，所以就分別叫左兩個湯底，分別係四川麻辣鍋併清香青麻辣豬手鍋，同埋卜卜蜆蟹鍋四川麻辣鍋辛辣麻香，鍋底以大量材料熬製而成，有多種辣椒、豬紅、豬肚、枝竹等，湯底顏色鮮紅吸引，岩哂無辣不歡的人；而青麻辣豬手鍋以野生椒、青胡椒等製成無咁辣而又惹味嘅湯底，加上浸泡完湯底、將精華吸得一乾二淨嘅豬手，真心好味，推薦大家試下醉胡爐特別之處除左可以打邊爐之外，仲有得食串燒同有大量唔同種類嘅酒可以叫，以餐廳名「醉」、「胡」、「爐」改名嘅三杯餐廳特色mocktail仲係鎮店之作，吸引唔少人點黎打卡同品嚐「醉」較重荔枝香，亦加上藍蝶花汁同清酒，先甜後有
地址：尖沙咀柯士甸路20號保發商業大廈地舖
一個平日嘅晚上，趁住暑假嘅尾聲約左一班大學同學出黎食飯，畢竟都有一段時間無見，傾偈聚舊緊係唔少得，去一間普通餐廳坐得耐又驚比人趕/阻住人地做生意，而大家因為住係香港四方八面嘅關係，就決定係中間點尖沙咀附近搵間火鍋店一邊打邊爐一邊吹下水醉胡爐原意有相聚於胡爐之間嘅意思，「醉」除左指可以一齊飲酒作樂之外，仲有諧音「聚」嘅意思，簡直係迎合哂我同朋友相聚嘅目的
由於自己鍾意食辣嘅關係，但又有兩個朋友唔食得辣，所以就分別叫左兩個湯底，分別係四川麻辣鍋併清香青麻辣豬手鍋，同埋卜卜蜆蟹鍋
四川麻辣鍋辛辣麻香，鍋底以大量材料熬製而成，有多種辣椒、豬紅、豬肚、枝竹等，湯底顏色鮮紅吸引，岩哂無辣不歡的人；
而青麻辣豬手鍋以野生椒、青胡椒等製成無咁辣而又惹味嘅湯底，加上浸泡完湯底、將精華吸得一乾二淨嘅豬手，真心好味，推薦大家試下
醉胡爐特別之處除左可以打邊爐之外，仲有得食串燒同有大量唔同種類嘅酒可以叫，以餐廳名「醉」、「胡」、「爐」改名嘅三杯餐廳特色mocktail仲係鎮店之作，吸引唔少人點黎打卡同品嚐
「醉」較重荔枝香，亦加上藍蝶花汁同清酒，先甜後有酒回香，梳打水仲令呢杯mocktail變得更爽，飲完gur哂；
「胡」以檸檬同雪碧為主打，亦係我最鍾意嘅一杯，檸檬微酸開胃又醒神，飲品紫同白色嘅配合仲有夢幻嘅感覺；
「爐」係以蜜桃同芒果配製、滿有濃濃甜果香嘅飲品，黃色飲品比人一種夏日風情嘅味道，夏天飲就岩哂
Post
