莆田 (美麗華廣場2期) (Closed)

初初聽個名以為係越南菜館，原來係一間喺新加坡攞到米芝蓮一星嘅福建菜館。睇完餐牌之後覺得菜式相當特別，個餐牌嘅相片都係俾心機精心製作，剛啱呢個時候至八月蟶子當造，可以試吓佢哋唔同製法嘅蟶子。至於餐廳嘅裝修唔算豪華，但都係整齊企理。食過佢哋嘅菜式覺得煮功相當有水準，服務都算殷勤，雖然入座前話只係比個半鐘用餐時間，不過可能當日因為人太少，個半鐘之後都冇趕我地走，結果坐左兩個幾鐘，至於收費，亦唔算太貴，有好幾味菜都好想試，不過因為太飽，唯有下次再幫襯。