老二花廳 (Closed)

約左好耐冇見既朋友食飯，上網睇下有咩旺角既cafe適合，見到呢間好靚就黎左。book左位，但其實成晚都唔算人多。坐近窗既位置，裝潢真係十分懷舊，好多小物裝飾都好有格調，在呢個氛圍下同朋友傾計真係好輕鬆，好似與世隔絕咁。環境滿分！至於食物，都唔差！叫左黑松露海蝦意大利飯，飯質偏硬，個味好濃，仲有芝士拉絲～～另外叫左個蜜糖雞翼，皮炸的脆脆的，配上甜甜既蜜糖，好滋味！另外叫左壼玫瑰花茶，店家好甜心咁比左兩個杯我地，可以無限加水沖，第一沖既味道最濃最好味，而且好適合傾計既晚上，邊傾邊飲花茶，餐具都十分別緻，很棒！