臺北棧 (港威商場)

Open Now

Now Closed

每次行過都排哂長龍，每次都睇到好到foodies介紹打卡打到好靚，食物食到好正咁，所以就決定嚟食個下午茶，正！1️⃣5️⃣1️⃣0️⃣ 下午茶時間🍎 蜂蜜苦瓜汁聞說好fresh，飲落去都無糖水味，不錯。🥛黑糖薑母鮮奶叫咗杯凍飲，其實應該熱飲好味，薑味濃，鮮奶甜。🥢 台灣麻辣牛肉刀削麵牛肉湯味好香，不過湯唔夠熱，蟲草花好脆口，配菜有蛋同魚片，可惜個麵唔夠彈牙，但整體幾好食。🥢咖哩起司吉列蝦蛋餅真心唔太欣賞，咖哩味好重，麵皮好厚，汁唔夠，只得蝦好食，食左一件食唔到落去。🥢三色鹽酥雞鹽酥雞炸到外脆內嫩，啲肉汁好juicy 。個醬分三種，個人覺得最普通係白色沙律醬、之後係蜜糖醬同芥末醬，好食。🥢蒜香三色台腸呢個蒜片夠香脆，腸係符合水準。🥢三杯片皮鴨胸刈包呢個擺盤靚。好可惜係成為第二唔好食嘅餸。佢個醬唔知咩味，不酸不甜不咸，將佢點鴨胸不夾，夾住個刈包食落去無味，好sad。暫時呢間餐廳未食到我想食，不過見隔離枱嗌左糖水同魯肉飯就好吸引，下次有機會可以再試多次嘅。