潮陣 (Closed)

今日弧單一人，最好就係摺埋食碗麵 ，再去附近吹吹海風，享受獨自一人既時光。入到呢個應該係新開既餐廳，我覺得幾舒服，因為店內既歌曲幾岩聽，侍應都幾友善。睇睇個menu, 有牛魔王，豬魔王，魚魔王，又有多款麵類可揀。但唯獨冇得叫酸辣麻辣，原來係每張枱度已有幾款唔同既辣醬俾你自己選擇。我今日就叫左個豬魔王，幾正。首先湯頭好入味，料又足，坐得舒服。仲有豬手可以食，真係都分足料呀。呢度離地鐵站好近，又方便去附近巴士站。