Video
Read full review
2023-02-26
64 views
應承放工帶表弟仔外出dinner, 見天氣轉涼, 啱哂打邊爐。揀咗鄰近將軍澳地鐵站嘅-----方叔叔重慶老火鍋。之前同朋友食過, 味道唔錯, 而且大部份款式都有半份order, 滿足眼闊肚窄嘅我地可以食多d款。餐廳環境乾淨企理, 座位闊落坐得舒服, 每張檯旁邊都有個醬料架供方便隨時自由混醬。醬料+茶位合共$20, 而湯底每位$38, 即係入座每位先付$58。最近推出限定養生湯底-花膠雞湯, 每位加$20就食到。湯底揀咗鴛鴦麻辣窩 (養生花膠雞鍋 + 麻辣普通辣)養生花膠雞鍋: 金黃色湯底味道濃郁香甜, 有好幾件好滑嘅花膠同埋嫩滑雞件。麻辣鍋: 雖然只揀了普通程度辣, 但浮面有大量辣椒, 香辣過癮。大部份火鍋配料都有附上建議焯煮時間, 很貼心。晨州生蠔(一份): 一份有8隻蠔, 每隻都好肥美脹卜卜, 以冰墊底keep新鮮度, 焯煮三分鐘食得, 微微爽滑, 蠔味十足, 鮮味推介。 白鱔(半份): 鱔片有d厚度, 魚質爽彈, 鮮魚味突出, 無骨啖啖肉。珊瑚蚌(半份): 口感好爽, 稍微索咗湯汁。手打魚籽蝦滑(半份): 輕輕爽滑口感, 食到鮮蝦味, 有些少魚籽連帶增加層次。鮮鵝腸(半份): 比
應承放工帶表弟仔外出dinner, 見天氣轉涼, 啱哂打邊爐。揀咗鄰近將軍澳地鐵站嘅-----方叔叔重慶老火鍋。之前同朋友食過, 味道唔錯, 而且大部份款式都有半份order, 滿足眼闊肚窄嘅我地可以食多d款。
餐廳環境乾淨企理, 座位闊落坐得舒服, 每張檯旁邊都有個醬料架供方便隨時自由混醬。醬料+茶位合共$20, 而湯底每位$38, 即係入座每位先付$58。
最近推出限定養生湯底-花膠雞湯, 每位加$20就食到。
湯底揀咗鴛鴦麻辣窩 (養生花膠雞鍋 + 麻辣普通辣)
養生花膠雞鍋: 金黃色湯底味道濃郁香甜, 有好幾件好滑嘅花膠同埋嫩滑雞件。
麻辣鍋: 雖然只揀了普通程度辣, 但浮面有大量辣椒, 香辣過癮。
大部份火鍋配料都有附上建議焯煮時間, 很貼心。
晨州生蠔(一份): 一份有8隻蠔, 每隻都好肥美脹卜卜, 以冰墊底keep新鮮度, 焯煮三分鐘食得, 微微爽滑, 蠔味十足, 鮮味推介。
白鱔(半份): 鱔片有d厚度, 魚質爽彈, 鮮魚味突出, 無骨啖啖肉。
珊瑚蚌(半份): 口感好爽, 稍微索咗湯汁。
手打魚籽蝦滑(半份): 輕輕爽滑口感, 食到鮮蝦味, 有些少魚籽連帶增加層次。
鮮鵝腸(半份): 比較薄, 冇絲毫肥油連帶, 微爽唔韌。
美國牛板腱(半份): 肉質嫩紅, 中間有一條軟筋, 肉味香濃, 軟筋位帶些少口感。
黑豚腩肉(半份): 色澤粉嫩,相間脂肪比例唔多, 所以食落唔會太膩。
鮮鴨血: 超有驚喜, 同平時係超市買盒裝嘅有所不同, 店員介紹係餐廳額外調制時加入牛奶, 令質感更滑, 滑得稍為用少少力夾起
Post
