自家燒吧 (Closed)

睇網上介紹左好耐，終於有時間同隻佬試下 🤣🤣 睇到唔駛自己燒，呢個賣點都夠吸引啦！黎到我以為都係細鋪，原來都唔細，都好多位！每組卡位都幾闊！唔錯 👍🏻👍🏻 坐底冇耐就出去搵食，一個雪櫃串燒，另一個係沙律/生果/甜品！仲有一排熟食！一個雪櫃野飲同一櫃雪糕！唔好以為唔多野選呀！都好足夠！串燒有好多種類，見佢 refill 都好快！最想提一提係腸仔同紅腸 🤣🤣 廚師腸絕跡左一排，呢道任食 👍🏻 紅腸燒到出面脆皮 👍🏻 另外就係牛類都有4款選擇，當中我覺得牛舌唔吸引！原因係佢係熟牛舌黎架 🤣🤣🤣 豬反而覺得個腩肉好正！又係可以燒到脆皮！另外仲有熟食可以俾你選擇，有炒烏冬同埋菠蘿炒飯，但我地食肉獸！冇叫！反而叫左兩碟菜黎調和一下 😋食到咁上下，店員每枱都通知一下，只要 like 佢地面書專頁，就會送今晚既甜品，今晚係 椰汁燉雪耳，唔錯喎！可以滋潤一下 🥰我地一唔食一路吹話，其實點解冇蜜糖同麵包 🤣🤣 我隻佬答我串燒冇！笑死我 🤣食物普通，牛可以！