小點角落 (Moved) New Location

同朋友途經白布街想搵餐廳食下午茶，咁啱去到呢間餐廳門口，駐足睇Menu，店員行出嚟介紹有新餐單，食物、飲品、甜品，可以自由組合，食多啲又得、食少啲都得，按個人需要，豐儉由人，仲要全日任何時段都叫得，自己就幾鍾意呢個點餐方式，好有彈性！餐廳分上下兩層，設計光猛簡潔，乾淨舒服。✔️自由選配搭甜梅菜黑豚軟骨豬軟骨肉質結實得嚟又易脫骨，醬汁好味。香辣蝦頭油燒賣微辣魚肉燒賣，脹卜卜，好彈牙。沙茶醬炒麵炒麵份量好大，乾身，有口感，飽肚之選。涼拌菜圃皮蛋豆腐滑溜嘅豆腐上面有好多菜圃、蔥粒，加上甜醬油，提升味道層次。草莓鮮奶入面有好多草莓肉，成杯飲品感覺甜美。✔️ 自由選配搭籠仔蒸腸粉（大）呢個腸粉賣相唔錯，腸粉一條條卷得好完整，唔會溶溶爛爛，份量仲要幾多吓。另外提供甜醬、芝麻醬！牛油麥皮蝦芒果沙律杯呢個沙律杯又靚又有特色，用膽盛載香甜芒果肉粒、炸過嘅鮮蝦、車厘茄等，仲加入咗甜甜地嘅麥皮碎！凉拌麻醬雞絲沙律雞絲加上麻醬就點都好味，最欣賞係下層嘅涼皮，好煙韌彈牙！瑞士雞翼雞翼炆得好入味，充滿瑞士汁香氣。小山圓焙茶鮮奶滲出淡淡奶香茶香！