上到去一樓，係一個截然不同嘅氣氛。樓底唔算好高，反而營造到一種熱鬧、充滿朝氣嘅感覺。有齊酒吧、一班人坐嘅大枱、現場音樂演奏、桌球枱甚至K房！應有盡有，食又得飲又得總之就chill啦！
講返啲嘢食先！我哋兩個嗌左一隻慢煮乳豬件，芝士煙肉焗薯仔皮，鵝肝蒜蓉包，紐西蘭刀貝同埋兩杯嘢飲。其中慢煮乳豬件係特別出色！肉質非常軟腍又好味。鵝肝蒜蓉包大件夾抵食，鵝肝味道雖然唔係好濃郁，但係食落口都好夠creamy! 反而刀貝有啲失色，食落去有啲海水腥，同埋太大隻有啲難咬開。平時食既大蜆花甲會好食啲😋
總括而言食物加氣氛好正！👍🏻
