Chi Tachinomi (Closed)

年尾工作特別忙，感覺太大壓力，所以心血來潮，自己一個去嘆吓日本野❤️公司附近呢間串燒都算幾大，入邊有啲座位係可以一個人坐喺度食，所以唔怕好尷尬😂…先叫咗炸蝦天婦羅，好耐冇食，差啲忘記咗個味道！天婦羅外層炸得好脆口，唔會感覺好粉🙈 食嘅時候仲有渣渣聲，太享受啦！串燒我自己比較鍾意食牛肉粒同雞肉，燒得都香兼入味！分量都啱晒一個人食，串燒配合埋啤酒，一流！整體來講，呢一間餐廳都幾高質！串燒火候十足，而且呢間餐廳雖然款式唔算話好多，不過勝在每一款都係好食嘅！而且價錢一啲都唔貴，喺中環區可以食到咁優質嘅串燒店真係好好！