黎到門口見到裝修好典雅、古色古香，同埋一堆靚食材擺出黎
老闆娘好熱情招呼我地，即刻比左醬料盤我地，同埋推介我地飲佢地自己沖嘅竹蔗茅根，真係好清甜好好飲
我地叫左花膠雞湯底、本地牛肉、墨魚滑、超巨型自家製響鈴、避風塘炒蝦、蟶子，仲有好多野想試，留待下次再叫!
超濃花膠雞湯，漿住成個口，見到個湯係閃令令ga~
墨魚滑啖啖肉，好食; 避風塘炒蝦好惹味，taste到有香料多層次味道，唔只係鹹味; 蟶子好肥美，好新鮮，有海水鮮味！
今餐最正係佢地嘅巨大化響鈴，仲大過我個頭，超脆 ^o^，一人食兩條已經好滿足！
本地牛肉超靚油花！和牛級油脂分佈~ 入口即溶，好食！唔會好肥，好健康又好食嘅牛肉！
今餐真係大滿足，感受到食材嘅鮮味，一定會再番黎食
老闆娘一直都好關心食客有咩需要，會主動照顧你，好細心ah
