元朗燒賣皇后妙舒 (Closed)

之前已經知道元朗嘅燒賣皇后開到去灣仔，因為時間關係去唔到，今日去開灣仔做嘢就順手買返屋企慢慢食。叫得燒賣皇后最招牌當然係燒賣，招牌香菇豬肉燒賣用豬肉加入魚肉和冬菇，據說係老闆娘自創，燒賣控當然要食，順手再買埋其他嘢返屋企慢慢食。椒鹽炸燒賣 $24/8粒今次叫炸燒賣，炸完之後都無乾身同彈牙，食到豬肉同魚肉香，仲有香菇香，少少椒鹽增加香口。魚肉碗仔翅 $25有冬菇絲、木耳絲、肉絲、素絲鰻雞蛋等等，材料豐富又足料，順滑嘅湯羹加埋彈牙嘅魚肉，童年回憶返哂嚟。沙嗲五寶 $35有魷魚、牛柏葉、豬皮、魚蛋、蘿蔔，沙嗲味又香又惹味。瑞士雞髀 $25雞髀size都算大隻，肉腍又夠哂入味，甜中帶香。皇后辣椒油 $48呢度仲有自家出品嘅辣椒油，鍾意食辣嘅朋友仔可以留意。