揀返杯凍飲消下暑...
「純茶 X 花凍」
阿里山烏龍 + 桂花桂圓凍，
烏龍嘅茶味好甘香，因為桂花桂圓本身帶甜，
所以揀咗走甜，仲突然桂花嘅清香。
「即磨咖啡」
平日習慣每天一咖啡，
試過呢度嘅奶啡，同平日連鎖店舖飲開嘅好大差別，
呢度嘅咖啡豆係自家豆
磨出嘅咖啡味好香濃，
加上用紐西蘭奶粉調沖，奶味同咖啡比例恰好，
店員沖嘅時候要一邊轉動杯身，
飲到最底味道依然咁好味。睇嚟以後要轉飲呢度嘅咖啡
加配三文治．沙律 原來仲有八折優惠
沙律有唔同肉類同麵款選擇
「香草雞肉三文治」
衛生做得好好，包裝夠密實，
三文治嘅包好軟熟，
夾著新鮮蕃茄青瓜，揀咗雞肉，好Fresh, 夠健康
「黑椒牛肉蕎麥麵沙律」
黑椒牛肉配搭蕎麥麵，味道同口感都好夾，
蕃茄仔．生菜都好新鮮，配上麻醬味道更香
一盒已經夠飽肚，健康之選
