因為大家都放假，所以決定豪食一下，同埋好好坐下，傾吓計。最後叫咗一個下午茶套餐，同埋散叫咗啲小食、甜品。
每樣食物都係透過架列車個或者下面個通道送來，我哋嗌左三款壽司/卷物，甜龍蝦沙律卷、濃芝士軟殼蟹卷、玉子壽司
甜蝦龍蝦沙律卷-甜蝦同龍蝦沙律既配搭係第一次試，龍蝦沙律係手卷裡面，裡面幾多料，一咬落去沙律會多到吱出來，配埋甜蝦既鮮味。
濃芝士軟殼蟹卷-上面有魚籽，芝士燒一燒，裡面有軟殼蟹同青瓜，軟殼蟹加埋魚籽好有咬口。
玉子壽司-朋友鍾意食玉子，食落都唔錯
朋友鍾意食配菜，叫左螺肉同八爪魚，每碟都係$8，有好多，都抵食。
炸墨魚咀-食落都唔少，加配埋沙律醬就仲正
吉列南瓜薯餅-南瓜味好出，食落好香口
燒芝士餃子雞翼-熱辣辣好香，裡面釀肉餡，所以叫做餃子雞翼，如果多d芝士係餡裡面就仲豐富。
大盛鰻魚牛丼定食-好豐富，有湯、主食、配菜、沙律都係$65，好抵食。牛肉味好有醬汁味，鰻魚都ok。
一開始就見到有movenpick雪糕，仲要$12一杯，最後食埋甜品做美好結尾。
