校長燒肉日韓料理 (觀塘廣場)

Open Now

Now Closed

又到12月，臨近聖誕，朋友聚會排得滿滿，三五成群好難搵餐廳，所以揀左觀塘廣場，有間燒肉放題，以前食過其他分店，好抵食，今次再Encore！ 比起記憶中的分店，觀塘這次的食物種類勁多，中西日韓等等，幾乎講得出都有，太誇張！餐廳環境類似傳統放題店，以卡位或長枱為主，所有飲品和食品都由客人外出自取，入座後以2小時計算。 首先取了一堆即食類別，包括日式刺身，熟食和飲品，刺身有5至6款種類，而熟食有點心，炸物和日式小食，飲品有啤酒汽水，聖誕期間限定，連玫瑰味生啤都有，女生最愛！ 然後主打食燒肉，除了牛扒雞扒魚柳雞腎，特別喜歡有一口牛和羊架，同埋當然唔少得土匪雞翼。扒類肉質唔錯，整體燒肉的口味夠多，雞扒和雞翼特別夠嫩。除了肉類，還有一堆蔬菜瓜類菠蘿等等。 食到一半，開始想食菜和麵類，就可以火鍋。有3款湯底自選，材料有很多蔬菜類，丸類和麵類。我地選了豬骨湯底，主要吃菜類，平衡下食燒肉的油膩和邪惡感，所以有火鍋安排很細心，照顧不同需要！ 最後，最重要的甜品和雪糕環節，甜品有幾款啫喱類型，而雪糕口味很特別，伯爵茶豆腐咖啡等等，都幾滿足。