Video
Read full review
2004-04-12
35 views
復活節假期最後一天的前一個晚上, 去左龍鼓灘燒烤樂園, 係灣仔等埋女朋友兩個人, 坐960入屯門市中心, 大概四十分鐘, 再轉k52 (之前係A52, 岩岩改左), 又大概二十分鐘, 正當擔心緊唔知點樣落車, 過左發電廠後既一段路, 路旁全是燒烤場, 大大隻字寫明自助燒烤幾多錢, 再下一個站下車就見到目的地, 可想而知燒烤場地之多, 由一個站去到另一個站.自己駕車既都有位, 如果唔係, 大把的士等你....有頂既燒烤位置唔太多, 落雨就要返屋企啦...到達時間都成晚上九點, 真係估唔到全場爆滿, 個接待處面有難色, 但都安排搵多個位置, 每位78蚊, 可以燒到零晨一點(平日十二點), 一入場, 拿兩支水同取食及用具既收據, 爐位已經有微火, 工作人員派左個大大垃圾桶, 自己去取用具,叉, 蜜糖, 鋁紙, 仲有一卷厠紙送, 食物都係一般燒烤項目, 我係同佢講, 兩個人食既咩都要, 佢比左一個一呎直徑既盤我, 上面咩都有...雞全翼...雞中翼...豬扒...牛扒...雞扒...金沙骨...豬頸肉...多春魚...獅子狗卷...等等除左海鮮, 另有蔬菜,麵包, 飲品, 每人兩罐汽水另取.十
自己駕車既都有位, 如果唔係, 大把的士等你....
有頂既燒烤位置唔太多, 落雨就要返屋企啦...
到達時間都成晚上九點, 真係估唔到全場爆滿, 個接待處面有難色, 但都安排搵多個位置, 每位78蚊, 可以燒到零晨一點(平日十二點), 一入場, 拿兩支水同取食及用具既收據, 爐位已經有微火, 工作人員派左個大大垃圾桶, 自己去取用具,叉, 蜜糖, 鋁紙, 仲有一卷厠紙送, 食物都係一般燒烤項目, 我係同佢講, 兩個人食既咩都要, 佢比左一個一呎直徑既盤我, 上面咩都有...雞全翼...雞中翼...豬扒...牛扒...雞扒...金沙骨...豬頸肉...多春魚...獅子狗卷...等等除左海鮮, 另有蔬菜,麵包, 飲品, 每人兩罐汽水另取.
十一點八最後巴士, 之前見到出離既巴士都已經少少爆, 可能再入都仲有場地, 我地十二點走, 打的去左屯門市中心食埋糖水再走.
燒烤食物質料比好多燒烤食店還要好, 可能係生意多, 貨去得快, 好新鮮, 用具一應齊備, 檯...椅...爐...炭...厠紙...即用手套...垃圾桶...連放炭既叉都有, 係無一人一水喉, 或者一人一雪櫃, 比我地自己買雪糕放入去, 有埋其他燒烤用既醬汁仲好, 比如沙律醬, 牛油, 茄汁, 如果唔係真係一百分, 不過而家我都比九十分, 值得再去, 下次早d去, 搵個電視位先.
另外, 厠所地下好濕呀, 女朋友話女厠直頭唔去得...我話食落口既乾淨咪得羅...不過好明顯厠所要改大d, 因為人太多.....厠所都有樣野好, 水龍頭係開左唔會自動關, 任你洗呀...
Post