鍋卷鳴門 (Closed)

鍋卷鳴門位於旺角通菜街威達商業大廈三樓係上次嚟樓下食大排檔嘅時候無意中發現鍋卷鳴門主打自助活海鮮日式火鍋放題；設有三層水缸每日提供五至八款新鮮時令海產；海鮮貨源充足基本上無間斷添加；水質清澈乾淨食客可以放心親自挑選捕撈蕃茄羅宋湯底採用大量蕃茄熬煮酸甜濃郁適合配搭牛肉；傳統鰹魚清湯加入豆腐以及昆布夠鮮甜淥海鮮啱哂是日活海鮮包括沙白、蟶子、大連鮑魚、瀨尿蝦以及九節草蝦；重點推薦大連鮑魚同瀨尿蝦大連鮑魚接近手掌大小肉質緊緻厚實而且吸附力強絕對鮮活；瀨尿蝦小臀長短保證生猛容易秒速潛逃需要眼明手快配合冰桶凍暈上忍之卷可以試齊特選牛板腱、特選牛舌、美國牛小排同埋日本國產和牛四款牛肉；美國牛小排肉質軟嫩而且油花豐腴細密個人認為中忍價錢可以任點已經好滿足三文魚刺身厚切肥美；法國生蠔蠔肉白嫩飽滿只有上忍之卷可以享用炸蝦以及南瓜、蕃薯、冬菇、茄子等天婦羅金黃香脆而且漿粉透薄唔會太過油膩所有晚市放題套餐包括自助區所有火鍋配料以及飲甜同埋甜品總共過百款可以無限追加