臨記車仔麵 (Closed)

係啟田商場二樓有條街特別多野食，有間叫〈臨記車仔麵〉唔好聽個名簡簡單單 d野食好有質素!我叫了一碗牛魔王，朋友要豬八戒，碗麵用料十足，有牛腩、牛肚、牛丸、蘿蔔、韭菜，湯底揀了豬骨湯加腩汁和米線；朋友就揀左豬骨湯和粗麵。車仔麵即叫即整，熱辣辣，香味四溢，賣相又好，非常吸引。食落去就更加幸福，豬骨湯底加腩汁味道濃厚，米線軟硬適中。牛腩、牛肚炆得好腍，蘿蔔十分入味，吸收湯精華，而豬八戒有豬皮、豬大腸、豆卜、腩肉、菜心，傳統湯非常清甜、仲帶點中藥藥材味，豬皮、豬大腸清潔得好徹底，入口不會有臭味，而且炆得好腍，好好味另外我地都叫左一d小食，有韭菜豬紅大腸，呢碟很特別又搭得好好，滷水汁大腸加豬紅韭菜，豬紅新鮮，滷水腸好腍好好味，仲有韭菜配搭，又抵又好食👍🏻 豚爽肉真係令人好驚喜，薄薄地，肉汁豐富，又唔會好油，十分香口。仲有瑞士汁花香雞翼，呢個雞翼加了花瓣碎，上桌已經嗅到桂花的香味，賣相十分吸引！食落亦都好夠味，淡淡的花香加上濃郁瑞士汁味，非常出色。請到油炸鬼豬扒，一開始都冇諗住揀，後來見到係店的特色小食，就即管試些，只係$15就有大大碟，外層非常香脆，內裡的豬扒白雪雪多汁鮮嫩，果然係好推薦！