街坊茶記 (Closed)

將軍澳南最近新餐廳一間又一間，臨海餐廳更係一大賣點。雖然多咗餐廳，但係海邊行行下，想平平地想搵間茶記都唔易。作為澳南少有既茶記，門面既燈光招牌有特色，有咩食物都一目了然。餐廳坐位唔多，如果想買外賣去海邊食，仲有魚蛋燒賣碗仔翅任君選擇。焗咖喱牛肉意粉意粉即叫即焗，咖喱又有椰汁味香噴噴。鮮牛肉份量足，意粉一樣熱辣辣，又香又腍，完全唔似普通茶記出品。椒鹽豬扒飯椒鹽豬扒港式味道，豆瓣醬入味香濃，少少辣食得開胃，蔥花點綴又可以做平衡，豬扒肉質鬆軟又夠入味，配上白飯，飽肚之選。凍奶茶作為茶記的靈魂，呢度的奶茶著重甜道大於茶香，喜歡香甜的奶茶又不愛澀味應該會愛不釋手。熱好立克經典餐飲，奶香味突出。