福記粉麵

Open Now

Now Closed

去行黃牛山同埋石天窗，當然要食飽先行。突然間醒起有間車仔麵成日都想試今次終於有機會可以試下。之前經過見到佢咁多種類已經好想試，今次直頭有選擇困難症，啲餸實在太多花多眼亂都唔知食乜好。最後都係決定咗食雞扒、牛腩同埋大腸，本來想食銀針粉好快快up咗瀨粉，不過啲瀨粉都好滑。餸嘅份量唔算多，但係樣樣試吓都夠飽。牛腩幾入味，唔算好淋有啲咬口。另外啲大腸亦都冇怪味，處理得唔錯。雞扒就好似照燒味，同埋有番咁上下厚度。同埋佢個辣都有啲刺激，食到成頭大汗，店員仲遞埋疊紙巾我抹汗，真係好鬼窩心。另外最正係佢三餸嘅話仲有嘢飲，呢個粉$40真係冇得輸。