Read full review
2016-08-09
1813 views
此行係由喬寶寶推介最傳統印度菜味道，朋友跟我都同樣好想知道到底傳統味道係如何的呢？抱著期待又緊張既心情來到，但使我極度失望啊，有點貨不對版既感覺。餸菜實體跟 menu 照片完全係南轅北徹，兩樣野來的，部份菜色既賣相、顏色、煮法、食材都有點不同。見 openrice 好評如潮，強烈好奇心驅使下續編續編食評望一望 ﹗總共有 49 編食評，當中 31 編大讚好味，不過只有幾編係資深食家撰寫，其他全部都係新進食家或非會員，非常有做馬之嫌，討厭 ﹗Menu 好厚下，有好多菜色選擇，發現全間餐廳都無牛豬供應喎。Openrice 食評稱可以揀大中小辣，但落 order 時侍應哥哥完全無問過我地要幾辣。今晚出席既朋友仔只有一個跟我一樣食得辣，所以點菜辣度只可以是一般程度呢。食客不太多，所以環境尚可，寧靜不嘈吵，奇怪地播 disco 音樂就有點格格不入。經過廚房見到師傅們全部都係印藉男人呢，印度傳統好似女人係唔可以外出工作的。印度啤酒，從未飲過，所以叫支試試啦。味道跟香港啤酒大同小異，無什麼分別。印度沙律，朋友仔們完全掂都唔掂。無緊要，我勁肚餓唔會浪費，唔加醬食原味青瓜洋蔥生菜甘筍，清清味蕾。薄脆，咸咸
餸菜實體跟 menu 照片完全係南轅北徹，兩樣野來的，部份菜色既賣相、顏色、煮法、食材都有點不同。見 openrice 好評如潮，強烈好奇心驅使下續編續編食評望一望 ﹗總共有 49 編食評，當中 31 編大讚好味，不過只有幾編係資深食家撰寫，其他全部都係新進食家或非會員，非常有做馬之嫌，討厭 ﹗
Menu 好厚下，有好多菜色選擇，發現全間餐廳都無牛豬供應喎。Openrice 食評稱可以揀大中小辣，但落 order 時侍應哥哥完全無問過我地要幾辣。今晚出席既朋友仔只有一個跟我一樣食得辣，所以點菜辣度只可以是一般程度呢。
食客不太多，所以環境尚可，寧靜不嘈吵，奇怪地播 disco 音樂就有點格格不入。經過廚房見到師傅們全部都係印藉男人呢，印度傳統好似女人係唔可以外出工作的。
印度啤酒，從未飲過，所以叫支試試啦。味道跟香港啤酒大同小異，無什麼分別。印度沙律，朋友仔們完全掂都唔掂。無緊要，我勁肚餓唔會浪費，唔加醬食原味青瓜洋蔥生菜甘筍，清清味蕾。薄脆，咸咸地有點乾蔥，唔係太脆，無咩等別。
印式雜錦燒烤，我打從心底以為黎錯左架 ﹗跟張相係 totally 兩樣野，全碟除左 4 舊唔似魚既橙色炸魚外，其他都係薯仔、青椒，仲要用厚厚麵粉皮包住炸。食落除左油膩外，都係油膩，食唔出其他味道。
雜菜咖哩角，貨不對版的咖哩角，雖然 menu 上照片只作參考啫，但無可能差咁遠掛。傳聞中好好食既咖哩角？真係匪夷所思呀 ﹗可以揀羊肉的，朋友們商議後決定雜，雜菜咪即係食齋？外皮又厚又粉，完全不是相中咖哩角 ﹗我唔食到有什麼餡料、什麼雜菜，大部份都係薯仔。就連咖哩味我亦係唔多食到，非常淡口咖哩味又唔香又唔辣，應該合味道咖哩杯麵或超群即食咖哩角都比佢還好食 ﹗
鐵板印式烤大蝦，依個更離譜 ﹗雖然上檯時好有氣勢著晒火，熱力迫人 ﹗但大蝦應該有殼變無殼，烤到有點燋黑，蝦肉微微爽彈帶少辣及淡淡蝦味，免強合格唔難食 ﹗賣相就不敢恭維，其實青瓜好食過大蝦，鐵板烘到青瓜暖暖地，爽脆多汁。
芝士菠菜，依碟對我黎講係全晚最恐怖既一道菜，近乎菠菜蓉。淺嚐一口，質感腍劈劈又滑潺潺，好可怕呀 ﹗放棄放棄。
勁辣咖哩羊，menu 上面真係印住勁辣架喎 ﹗朋友們好驚會太辣，不過我堅持 order 黎試試啦 ﹗辣度只屬中辣，咖哩味道暗沉而單調，好 dry 好寡，辣而不香，而且辣味好快消散。細細幾舊羊肉碎，真係唔講唔知道食緊羊囉 ﹗一試無妨，試過就算喇。
牛油烤餅，芝士烤餅兩款同樣除左烤得香口又熱辣辣外就無其他特別之處，可能配咖哩會更好食，中間空心用黎夾肉食都可能更好。牛油烤餅，無牛油味，芝士烤餅無芝士味，唔知食緊什麼，滴汗 ﹗
印度鐵板烤雞，全為雞髀肉，終於有道菜比較正常喇，一般水平，不乾不鞋，無驚喜，不過起碼穩陣唔難食，淡淡香料味道。
蕃茄咖哩雞，最好食都係依個喇，老懷安慰 ﹗茄味濃郁，當然只不過係罐頭茄膏，泛著微弱咖哩味，酸酸甜甜夠開胃，雞肉滑而濕潤，唔錯。
椰汁咖哩魚塊，不辣而散發著非常淡淡咖哩味道，隱約食到少少椰汁香氣。魚塊乾硬鞋，仲有點點腥味，唉 ﹗
菜色既烹調及處理真係好鬼印度 feel，可能真係太過傳統又太過正宗，所以味淡而單調掛，唔太適合香港人口味 ﹗最好食係蕃茄咖哩雞，最恐怖係芝士菠菜，其他都麻麻地。尋找真正印度味道第一回失敗，有朋友介妱同一幢大廈 7 樓，擇日再黎過 ﹗
Mesala Tea，傳說中既印度拉茶，但無員工表演呢。淡淡既茶香帶少少淡奶味道，飲得出有印度香料味，係咪肉桂呢？我唔加糖，幾喜歡依種純天然香氣。
埋單有 8 折，4 個人試左咁多菜色都只係每人 2 百幾蚊，食物味道同質數真係要改善一下，服務都滿意。朋友仔食飽打機，yeah ﹗住天水圍的印度少女，佢都係同鄉喎，有無電視框呀？哈哈哈。
印度啤酒
56 views
0 likes
0 comments
印度沙律
38 views
0 likes
0 comments
薄脆
65 views
0 likes
0 comments
印式雜錦燒烤
51 views
0 likes
0 comments
雜菜咖哩角
51 views
0 likes
0 comments
雜菜咖哩角
39 views
1 likes
0 comments
鐵板印式烤大蝦
42 views
0 likes
0 comments
芝士菠菜
41 views
1 likes
0 comments
勁辣咖哩羊
41 views
0 likes
0 comments
牛油烤餅
41 views
0 likes
0 comments
芝士烤餅
32 views
0 likes
0 comments
印度鐵板烤雞
52 views
0 likes
0 comments
蕃茄咖哩雞
42 views
0 likes
0 comments
椰汁咖哩魚塊
38 views
0 likes
0 comments
64 views
0 likes
0 comments
Mesala Tea
56 views
0 likes
0 comments
Post
