海洋食堂 (Closed)

尋日(9-3-2011 Wed)冇飯帶,公司姐姐蒸飯時見冇我o既飯盒就問我冇帶飯,我至記得係喎,自己冇飯帶,亦冇買o野食.但雖然唔肚餓,都要叫外賣o既.於是又睇外賣紙,睇o黎睇去,好似都係呢間o既OK啲,於是叫個$20.00午市麵餐,雞中翼腸仔麵,加$1.00要熱好立克,落單時都交帶聲我幾點食飯.亞姐好準時送到,夠鐘食飯lu,打開睇睇,雞中翼同腸仔各一,雞中翼冇煎過,唔知係咩味呢?食吓先,係咖哩味o黎,雞肉仍滑但已經好腍,而腸仔就屬正常,煎過o既.至於麵呢,又係太腍喎,唔係幾得.熱好立克都屬正常呢.服務:好好,聽電話同送o黎o既亞姐都好有禮貌,而且兩個都有講多謝.