吞POT 雞煲火鍋.住家菜 (山林道) (Closed)

今日家姐生日啊，約咗家姐食晚飯，噉我哋兩個都鍾意食胡椒豬肚雞，於是就揀咗呢間餐廳，去食一餐生日飯啊。我哋首先點咗個胡椒豬肚雞煲啦，噉我哋因為兩個人啊，所以就點咗半隻雞。呢個胡椒豬肚雞煲嚟到之後果然冇令到我哋失望啊，個店員同我哋講因為啲雞已經熟，所以可以即刻食。呢間餐廳嘅做事效率都幾高，我哋叫咗個煲之後，都唔使等十分鐘，嗰個煲已經到喇。講下啲豬肚啦，豬肚我覺得煲耐少少食，佢嗰個豬肚淋身d，會好食啲啊。另外叫咗個皇帝菜，原來皇帝菜同個雞煲唔算話好夾啊，下次我想試下其它蔬菜。想講下個胡椒雞湯啊，真係有好香嘅胡椒味啊，我同家姐差唔多飲左一大半胡椒豬肚雞湯啊食雞煲我個人覺得配可樂就最好喇，所以另外都叫左兩罐可樂飲啊。