正斗豬骨煲 (Moved)

我地都係正斗粉絲，太子和大角咀都成日去食。今次想打邊爐不二選擇。但可能因為星期五關係，本日不用等的時間都要等！～今次我地8點半到，都就插隊（因為我地試過最勁一星期食2﹣3次，待應都認得我地）但都要等半個鐘先入到去。一入到去我地3個人坐6人位當然舒服啦，桌上已經有9款調味料比自已選擇。

胡椒蕃茄豬骨湯（＄88﹣98）：平時食開蕃茄薯仔湯的我們，今次我選了個胡椒蕃茄豬骨湯再加胡椒，原本已經夠香胡椒味同蕃茄香，再加胡椒更味道更辣加野味。最後最好味係菜同蕃茄，因為全部已經吸晒胡椒味超好味。豬骨豬肉好多同好淋，意料之外！！～應該下次會再叫這個。

牛肉（＄158）：我地每次去太子或大角咀的正斗都會叫牛肉，今次都冇例外。但今次牛肉肥膏偏多，顏色都冇之前咁好，但牛肉味都好濃和有口感。

北寄貝刺身（＄58）：其實有8片左右只需這個價錢都好抵，最後折左好似＄40不用。這北寄貝沒有出外咁白，難得沒有雪味同厚肉。味道濃同甜，應該下次都會再叫這刺身，但後方插花衞生一般，最後清潔左會好點。

之後我地都有叫其他食品如皇帝菜，公仔面，午餐肉之類都KEEP到新鮮水準，唯一係響鈴今次好細舊同好淋，有失望。

3個人食飽飽加2枝啤酒加1枝竹蔗，最後每位折左＄180都抵食。