先講講海鮮類，大大隻生蠔，任點任食，無限量供應，餐廳仲提供咗燒生蠔嘅方法， 每張枱都會有兩個漏斗，可以好好善用，將生蠔燒得恰到好處， 燒完的生蠔沒有收縮到，依然能夠保持大大隻，肉質肥美、鮮甜， 實在太急不及待了，所以忘記了拍照😉
其他海鮮，仲有海蝦、蜆同青口，海蝦都係大大隻 ，入口彈牙，新鮮，而啲蜆雖然比較細隻，但係都非常鮮甜， 青口唔係太感興趣，所以冇食到
至於燒肉方面幾乎都包羅萬有， 無論係薄切或是厚切牛舌都有種煙韌、彈牙的口感。 至於其他唔同部位的牛肉，好似飛霜空降和牛，牛裡肌，安格斯牛粒，全部都好有牛肉味， 食落唔會硬， 配合三式醬汁，非常惹味。
蔬菜類都有好多種，鍾意食秋葵或者燒菠蘿、燒粟米的朋友就不能夠錯過啦，因為呢度全部都可以食得到 ，第一次食燒秋葵，原來口感 係咁好食， 不過燒嘅時候就要小心啲，不宜燒得過熟，否則太淋就唔好食啦。
其實除咗海鮮同燒肉之外，餐廳仲提供咗 不同款式的刺身、壽司、同熟食食物 ，款式同一般日式放題都差不多， 所以兩個小時絕對係冇可能食得曬咁多食物，唯有下次再幫襯啦。
