陶園燒臘飯店 (Closed)

好耐無返屋企同屋企人食飯，今日得閒返去食飯，點都要斬返啲靚料返去加餸先岩規矩，如果唔係分分鐘唔夠餸食今次就黎左呢間「陶園燒臘飯店」，門口睇落啲燒味都幾靚價錢亦親民，都係公價，呢到唔似得街市咁淨係賣燒味拎走，仲有得堂食燒味飯，環境都好乾淨今次就叫左燒腩仔同燒鵝髀，次次叫燒味都好中意又好忐忑咁望住師傅揀咩料斬比我，今次個師傅拎比我個件好靚，正呀燒腩仔拎到返屋企再翻熱，層都仲keep係脆卜卜，肥瘦亦適中，食落好淋一啲都唔會硬到咬到牙肉痛，最緊要係個味道唔會太咸，好岩餸飯！燒鵝好大隻，不過有少少肥，髀位就相對瘦啲啖啖肉，肉質食落好軟身，層皮燒到好脆好香，高質！酸梅醬、芥末、鹵水汁呢啲當然唔少得，買燒味既時候送埋