見同個frd去完黃金買電腦,禁個frd話太子金鳳好得,禁就去食下啦~~~
去到都成7點半,門口多人到呢~成廿個人都有
禁好啦,見禁多人冇走雞啦,等位啦
等左一個鐘,8點半有位喇,好,入去
入去到見waiter周圍走,手上既扒都好熱辣辣,都幾有睇頭啦
好,禁我叫左個西冷,我個frd又係西冷,另一個frd就叫xx蘭牛肉
呢間野都幾特別,叫扒時都有分辣唔辣~~~~記住,係塊扒辣唔辣,唔係d汁辣唔辣,勁攪笑
好啦,都算~算我未去過禁特別既餐廳~
跟住叫左紅湯~
個湯就幾足料,有味,讚~~~
個包都熱,牛油都係我最like既半溶狀態~一流~
個扒黎喇,個西冷呢
好似牛腩禁,d鬆肉粉整到塊扒好似起筋禁....0分,完成唔似扒,切落好似食pizza禁起絲...
我個frd既xx蘭牛肉就ok好食~
