台灣蝴蝶 (Closed)

尋日放假約咗人去圓方，之前由佐敦過去路經吳松街(通常都係上一條麥文記街食嘢)，見到門啲相幾吸引就兩個人入去食個晏啦。叫咗個肉燥豬扒麵同肉燥雞翼飯，加杯珍珠茶同蜂蜜綠茶。食落啲肉燥幾好味，香味醬油味幾濃，仲有免費麻辣醬。諗住實好多味精啦，點知之後都唔口渴噃，有計。飲品OK啦，奶茶淡淡地似台灣地道，一定唔夠式嘅濃。朋友話個蜂蜜綠茶就幾清爽。不過午市都要加一就差啲，但係每人都係卅幾都唔貴嘅。環境OK都好坐，有招呼，算係咁啦。