$758套餐！睇下有咩食🤭🤭
😎講開沙田大圍，好多人都識新強記！😎
今次試咗個$758套餐，食到燒鵝、乳鴿、海鮮，仲有招牌雞粥！
即刻同大家分享下食後感～🤤🤤
✅️招牌雞粥一窩
一上枱就聞到超香雞味！
粥底煲到綿滑起膠，雞肉鮮嫩唔嚡口，仲有少少雞油香滲透粥裡面，啖啖都係精華👍🏻👍🏻
食晚餐飲返碗暖粥，簡直係靈魂所在！
✅️燒鵝例牌
新強記嘅燒鵝果然名不虛傳！🤭🤭
皮脆肉嫩，油脂分布均勻，咬落去鵝油香爆出嚟，仲有少少炭燒味！🤤
唯一挑剔係例牌份量唔算超大，但味道冇得輸！
✅️乳鴿兩隻
乳鴿係必點！即叫即炸，熱辣辣上枱，皮脆肉質juicy唔乾柴，醃得夠入味！👍🏻👍🏻
真係想encore多兩隻！
✅️椒鹽鮮魷
椒鹽鮮魷炸粉薄脆，魷魚新鮮彈牙，椒鹽香口唔會過鹹，送啤酒一流！
炸得夠乾身，唔油膩，係合格以上嘅水準！🦑
✅️豉油皇大蝦
豉油皇醬汁濃郁帶甜，蝦肉爽口幾新鮮
我試過連殼都食埋！🤣🤣
總評：
$758套餐真心抵食！尤其係雞粥、燒鵝同乳鴿，絕對係必試之選。環境就典型街坊酒家格局，夠地道。服務阿姐快手快腳，唔會拖泥帶水。推介！👍🏻👍🏻👍🏻
