炑八韓烤 (瓊華中心) (Closed)

尋日老婆生日，晚餐想去旺角食韓式牛骨湯，最後喺Openrice到訂咗瓊華中心既炑八韓烤，入場前職員有提醒指定套餐或者散叫夠$700就有85折，我哋選擇散叫半份炸雞、牛骨湯、牛肉紫菜包飯、霜降牛小排、豬五花、雞腿肉＆韓式炒粉絲，開餐途中發現會員生日有海帶湯贈送，因此特別download app做會員，登記後職員話資料冇咁快update，所以張coupon要第二日先有，我話我太太今日生日，可唔可以照送，職員話要有coupon QRcode入機先有，其實係咪可以人性化d呢？另外又發現會員有coupon送韓式炒粉絲，職員係咪應該提醒一下我可以用coupon將我order既韓式炒粉絲轉做贈送呢？埋單時個職員仲sell我幫襯買月餅，咁既服務態度仲可以咁厚面皮sell我買月餅，傻既先會買！唔怪得依家個個香港人都選擇返大陸消費。