賞茶 (Closed)

今日要多謝賞茶令我放工買杯嘢飲都買到嬲。剛剛6點幾去荃灣廣場分店買嘢飲，本來收銀機前面有一對大陸母女企喺度，但到我差不多行到埋去時兩母女行開咗(大約五米距離)，收銀前面冇任何人，咁我即刻問清楚你哋職員(染灰白頭髮)買一送一優惠，之後再諗咗五秒左右想落單時，嗰兩母女迫埋嚟打尖，我讓咗畀佢哋。等到我同職員落單時，被一位女職員打斷，話我打其他人尖，但呢位職員根本唔知道剛剛被人打尖嘅係我，而其他啱啱到嘅客人唔知情就企咗喺對母女後面(以為兩母女係隊尾)。如果我真係插隊/打尖，相信跟住喺後面十幾個人會起哄，而唔係唔出聲。但女職員唔知頭唔知路，係咪應該問返同我落緊單嘅職員了解咗先，而唔係亂咁無理指責客人??要我無端端花2-3分鐘講返清楚，女職員仲想話只係堅持要排隊啫，一句道歉都冇。喺不斷被佢打斷情況下，最後係落錯單，而且唔肯換。