聯發茶餐廳

Open Now

Now Closed

星期六拍拖日，同男朋友專登去九龍城間聯發食個靚早。10點幾去到，唔洗等位，反而食到11點左右見出面開始要排隊。店舖不大，就連點餐果時，都係直接坐係位，大聲對住收銀姐姐講就得。早餐（多士走油、炒蛋，配火腿通）多士算厚，不過個人略嫌烘得不夠燶，不夠香口。聯發主角當然係炒蛋啦，炒蛋份量算多，顏色偏橙黃，食落好重蛋味，但炒得唔夠嫩滑。火腿通粉，湯底味道夠，唔加辣椒油都ok，火腿偏咸。厚蛋治真係超厚蛋！同早餐炒蛋一樣蛋味重，雖然唔夠嫰，但仲keep住d蛋汁，麵包轉烘底，外脆內軟更加好味！每個人對炒蛋的喜好都不一，如果喜歡食炒滑蛋，聯發就滿足唔到你。