但係今日先寫評，每次食佢嘅魚生都好有水準，師傅真係好用心，芥末係用手磨嘅山葵，呢啲小細節真係好加分。
今次叫左兩個菜，分別係帶子醬油漬海老丼、軟殼蟹烏冬定食。
首先講下帶子醬油漬海老丼，帶子新鮮甜，入口加上壽司飯加蛋黃加魚子簡直係絕配，令我味覺受到沖擊，真係好好味；之後再單獨食醬油漬海老，簡直係醃得岩岩好，所有肉質都佈滿醬油味，而且肉質仍然保持鮮嫩，好高質呀。 值得推介x100000👍👍👍👍
另外，講下軟殼蟹烏冬定食，真係無比較無傷害，係唔同口感唔同感覺。軟殼蟹炸得岩岩好，唔會太過油膩。相反，個烏冬湯麵底就麻麻，似出前一丁麻油味，如果湯底變成鏗魚湯底更見驚喜。希望下次再食仍然保持水準❤️❤️❤️❤️
