每個定食都跟沙律 味噌湯同水果茶 沙律菜幾新鮮 配上胡麻醬 夠開胃 味噌湯中規中矩 水果茶唔算好甜 味道岩岩好👍🏻
.
北海丼$98
賣相幾吸睛 一百蚊有找既價錢刺身種類都唔算少 重點唔係薄切😳 有帶子 三文魚 鱆紅魚 甜蝦 北寄貝 玉子同蟹子 帶子最好食😍 好大粒 好鮮甜😍 三文魚都幾厚 尚算肥美 鱆紅魚同樣厚切大塊 有魚味 甜蝦唔算細 甘甜 北寄貝口感爽脆 玉子唔會過甜 好食 刺身飯唔係普通日本珍珠米 而係用醬汁撈混 粒粒分明 味道唔錯 有誠意😋 好怕食d少少餸但一大碗飯既定食 呢碗飯量對女仔黎講岩岩好
.
三文魚扒便當$78
三文魚扒睇落好吸引 用醬汁煮過 好惹味😋 如果再大塊d就更好😝 白飯配有飯素 仲有粒甜品 煙煙韌韌 唔會太甜
.
餐廳食物質素令我滿意 有機會會再黎食😋
