八月堂 (Closed)

八月堂呢個名都算出曬名了，上個月行山就黎外賣兩隻去行山。價錢方面唔算平，因為都比較細隻，但始終專門店黎，所以間唔中食都 ok ..布甸呢個係因為我同 frd 都喜歡食布甸所以揀，不過都幾失望，因為個布甸既味有 d 大陸 feel 但係佢牛角包既位置係出色既，酥得黎好香牛油味，幾出色既金沙芋泥呢個就好好多了，個芋泥味係堅正既，好香芋頭味加埋個牛角包係真心不錯的！後來，有一日公司阿頭話想請大家食八月堂，哈哈哈，所以有得再試下其他味！我就揀左花生醬味，我真心覺得好食。因為個花生醬係有粗粒花生係度，種感覺高級左唔少而重點係好夾味！不過唔會自己畀錢再買了，因為感覺性價比有點不足，試過就好了