18樓雞煲火鍋專門店

Open Now

Now Closed

十八樓雞煲就聽得多喇，今次黎到發覺真係唔錯，無論野食定係環境裝修，連性價比都係幾出色，控制到成本，又比到個客最好既，唔怪得呢間餐廳開完一間又一間喇，雖然呢排疫情下，但呢間既人流都無乜點黎到，可見都係幾唔錯。環境方面，疫情下，環境就更為重要，呢間既枱分隔，就做得幾唔錯，多數都係4人枱，而且分隔都有1.5m距離，所以受感染既機會就大大減少。飲品方面，先讚一讚就係佢有解茶，仲要係纖果隻，真係好健康，唔似其他邊爐咁，得可樂。魚皮，同埋響鈴係必點，響鈴唔會平細既細份果隻，係大大隻果種，所以好正。雞煲方面，辣度任君選擇，d雞都幾嫩有彈性，同埋都幾入味，都算幾有雞味。甜品方面，有大機即整既乳酪雪糕，入口酸味味唔錯。