首先真係要讚一讚佢個湯底真係做得幾出色，聽講個湯底係用30斤新鮮番茄熬煮，而唔係味精湯，所以一飲落口就感覺到啖啖番茄果種濃郁，成碗湯飲曬都唔會覺得口乾。
炭烤風味雞排刀削麵 $68
刀削麵偏向厚身同硬，雞扒🐔味道亦都算正常發揮，雞皮燒得幾脆口，但略嫌雞肉有啲啲薄身，滿足感不大。
秘製猪排上海麵 $68
豬扒相對較於雞扒出色，肉質十分厚身，食落彈牙嫩口，加上上海麵本身幼身，比較掛汁，兩樣野一齊食落肚口感十分豐富，個人會鍾意呢款多啲！下次會再嗌！😍
媽媽手工餃（三粒）+$20
正常普通韭菜餃子味道，但餃子皮比較厚，食落飽肚感十足！
嫩肉雞胸（三塊）+$18
雞胸肉十分薄身，食落去肉質意外地嫩，煎得十分香口，就咁單食都唔會覺得寡！👍🏻👍🏻
桂花龍井（凍）+$12
正常無糖茶，冇加冰，杯size比較細，性價比不高
