御滿屋日本料理

Open Now

Now Closed

今次同朋友嚟到荃灣食放題，一入到去就見到琳瑯滿目嘅甜品、冷盤、小食自助吧！甜品方面，有多款特色雪糕同埋精美甜品（千層蛋糕/泡芙/焦糖布甸/牛奶布甸等等）小食方面，薯條、麥樂雞、餃子等基本炸物都有，特別之處係佢仲有部爆谷機，即炸爆谷！冷盤方面，蝦、青口、鴨胸同田螺等等，種類豐富，應有盡有！飲品方面除咗有普通罐裝飲品之外，仲有多款特調飲品（例如：仙草奶茶/白桃梳打）同清酒葡萄酒！食物方面，刺身都算新鮮，但特色壽司方面就有少少唔係好夾（例如榴槤壽司），可以進步！店員上菜速度同埋收碟速度都幾快，張枱唔會堆到成枱碟，服務態度都幾好！加分加分！