燒魂 (Closed)

有時候一大班人個個都有唔同嘅嘢想食，有啲想食燒肉，有啲話放題，有啲又話食小炒，咁啱係尖沙咀俾我搵到一間可以一次過滿足晒所有人嘅餐廳—燒魂，即刻決定試下佢！入到去第一下環境都相當潔淨，空間寬敞，座位舒適，真係聚餐嘅好去處！望一望餐牌，打從刺身、壽司、一品料理、揚物、到豬牛雞燒物，樣樣齊，真係望到眼花撩亂。貪心嘅小編咩都叫咗啲。當中最值得介紹嘅有幾款：刺身：甜蝦一貫鮮甜；三文魚厚切肥美；象拔蚌爽口，色澤潔淨，無雪味👍🏻壽司正常發揮，飯嘅份量比較少，就算平日怕飽嘅都可以嗌多幾舊～燒物：牛舌必叫，薄切易掌控火候，無咁易乾硬；奧斯卡豚后肉油脂豐富，十分肥美；孜然雞中翼，相較富特色燒後香口；其他一概如果真係揀唔落，個人推薦有醬料醃製嘅各款肉，如壺漬牛粒、西柚汁霜降和牛、蜜運豚后片，全部都軟嫩無筋又入味，夠晒滋味十分唔錯！除此之外，普遍壽司、炸物、一品料理坊間任食嘅質素差唔多，係勝在可以燒下肉過癮，呢個價格可以一次過試勻咁多嘢，真係超值之選，大家都不妨試吓～