小伊甸 (Closed)

小伊甸主打台灣食物，食店環境尚算舒服，未有侷促感覺。星期一至六的下午提供了指定午餐套餐，$45-$52，包主食及一杯飲品。台式肉燥併肥牛飯 + 波霸奶茶 $47套餐提供一些前菜:半隻滷水蛋、芽菜及青瓜，不過，芽菜及青瓜好似被人夾過，有食剩的感覺，影響食慾。整體食物味道一般，不過不失。奶茶要左小甜，飲落係無甜味，所以下次可以唔洗小甜都得，有茶味，珍珠QQ小小甜，整體好飲。埋單時見到單的底部有聖經箴言，或多或少也引起注意，感覺溫暖。