聖安娜餅屋 (Closed)

餅店：聖安娜餅屋地點：銅鑼灣蘭芳道抹茶果凍芒果卷 $70抹茶果凍芒果卷用張膠紙包住同個膠兜放好，再比個蛋糕盒你，方便衛生。軟綿綿抹茶蛋糕包住勁多忌廉，忌廉好滑，算係咁啦。中間有新鮮芒果肉，果凍同紅豆蓉，味道口感都唔錯。比較差係抹茶蛋糕抹茶味唔夠濃。不過忌廉可補蛋糕味道不足，夠濕潤唔會太乾。份量大概可分5-6份。德國式芝士切餅 $26芝士夠濃厚同滑溜，芝士味道都不俗，瑪莉餅底都唔錯，質素都算係咁，呢個價錢唔貴。細餅 $4.8本身無期望，所以細餅質素算驚喜，唔難食，蛋糕算鬆軟唔會太硬，中間夾少少朱古力蛋糕同忌廉，面頭有少少椰絲。呢個價錢抵過麵包好多。