漁屋日本料理 (海寶花園) (Closed)

最近有朋友推薦呢間，所以特意去捧場。因為早左幾日訂枱，所以唔駛等可以馬上開餐！場內非常光猛，同我以往去過果啲好唔同，通常日式餐廳燈光都較暗較有情調@@未坐低已經見到樣伏野，就係張枱好細LOL我好心急一開始就填晒咁多張order，野食又黎得快，如果唔係清得快，分分鐘堆到隔離枱都係！支豉油冇位擺，仲差啲倒瀉左添！刺身沙律。中意呢款多過其他沙律，因為唔駛食罐頭同沙律醬食飽！刺身大件又鮮甜，完全冇怪味。朋友話呢度啲蠔好食，我叫左炸蠔同焗蠔，雖然未至於難食，但覺得麻麻地。食物唔差，不過都冇咩特別驚喜，反而生日既朋友要小心。話說我食食下突然全場黑晒，跟住有disco射燈加埋好「悅耳」既生日歌錄音，唱完廣東話版同英文版都未夠，仲要加埋普通話版，帶黎極佳「娛樂」。如果係我去慶生，我就唔會同間舖講喇。