泰昌餅家 (Closed)

一落船，到尖沙咀天星碼頭準備回家時，聞到陣陣蛋撻的香味。原來在天星碼頭內有間泰昌餅家，見到這間泰昌有藍莓撻，平時在屋企樓下經過的都未曾見過，所以打算買些回家與家人共食。既然如此，我就每款都要兩件，比較一下味道。◉ 1. 藍莓撻原來藍莓撻是泰昌的新產品，供應期有限，難怪我平時經開餅店都未見過。$12 一件確實又真的可以試試，藍莓撻的撻皮處理得金黃鬆脆，而內裡鬆軟的藍莓粒果肉， 再加上濃郁的藍莓果醬及一層雪白糖花，其味道酸中亦帶甜，非常開胃。◉ 2. 皇牌蛋撻 (曲奇皮) & 酥皮蛋撻 當然少不免就要食泰昌的蛋撻 ，大家一直爭辯蛋撻究竟是曲奇餅底或是酥皮餅底好食，其實就是各花入各眼。不過泰昌的皇牌蛋撻就是曲奇皮的，食落又真的是非常脆口，亦帶充分牛油香味，一直認為酥皮餅底好食的我都被泰昌的曲奇餅底所吸引。◉ 3. 老婆餅屋企人則比較喜歡老婆餅，他們都覺得老婆餅的酥皮非常香脆，而內饀甜潤而不滯，食完過後還說我買得太少。作為老字號的泰昌餅家，處理中式餅點實在不會失望。