平時多見要排隊, 可能因為剛過長假, 入內都只是半滿. 先講服務, 並沒有一些食家評得咁差, 兩位穿著綠色制服的店員, 一男一女, 雖然唔算話十分之非常好 (你估酒店咩!? 其實已經好滿意), 但態度都唔差, 算是待客有禮, 反而另一位沒有穿制服的店員, 還不及這兩位店員的有善, 臉部表情較為崩緊, 使你不太夠膽問多一句, 但無論如何, 她的態度都不算差, 對我而言, 合格有餘.
生力, 在對面大昌食品買來, 夠凍, 好過去7-Eleven, 唔知點解, 間間7-Eleven既雪櫃都唔夠凍….
烤魚, 大邊, 豆豉味, 小辣, $193, 再加指定配菜, 多付$30, 唔記得白飯是否要收錢….. 上檯, 配菜鋪滿面, 要了小辣, 但似乎唔多”少”喎, 入口都幾辣吓, 我就無問題, 但友人好似覺得太辣, 好彩頭頂係冷氣出風位, 一陣陣凍風吹落嚟, 但我都係一路流汗…
三個小火種烤著, 但都好似唔夠勁, 只有三小點位置有泡泡, 其餘位置都無反應, 要專登把魚肉放在那三小點火種上的位置泡一泡, 才夠熱,
見魚尾位置, 証明真係用火烤過才上盤, 並非如一些烤魚店的用油炸. 燒過的魚身較實, 不易散開, 魚皮燒過後, 半煙韌狀態, 和魚肉一起入口, 好味. 然而, 味道方面, 感覺略為淡過其他的烤魚店.
秘製雞肉串, $15/串, 唔知點樣秘製, 與一般的雞肉串無異. 炭燒豬頸肉, $13/串, 較為乾身. 串燒牛筋, $20/串, 好特別, 牛筋彈牙唔使多講, 煙韌得嚟帶點爽口.
同蔡さん影過幅相, 放出嚟..吸客..是常識吧….哈哈…哈哈
