Video
Read full review
2013-11-16
1169 views
港島舊區多橫巷, 居然融得入一間食府, 沒有大鑼大鼓的BANNER, 尤如隱世高人。這就是 "長龍食府", 門面玩味甚重, 極似TBB的古裝片客棧。令本公主AR晒頭的是, 老闆好似為興趣開鋪吧 (註: 唔代表無禮貌), 疑點如下:一. 食府開响清潔橫巷內 (煙民 "打邊爐"勝地), 明知前面是"另一排隊食肆 -孖沙"側門, 都唔放BANNER宣傳?二. 有50%門口長期用非透明既屏風/門 格咗, 第一次行過, 仲以為係接大廈批發單, 唔受街客玩。三. 門外亦沒有員工站出來當RECEPTION拉客的 (其他食肆, 十間有九間, 都有阿哥/姐大叫今日有乜餸)。講明是橫巷, 店面積不大, (見上圖)我站在貼牆拍照, 就見晒店兩道牆, 可見向其之窄!!!店面是中式風, 店內是IKEA的西式風, 沒有音樂, 沒有城市的雜聲 (橫巷), 大家只是安靜的吃飯, 有點慢食主意味。食府沒有大多選擇, 餸名則老實不花巧, 即使全店以 "砵仔" 裝餸, 都唔會改餸名為砵仔XXXX, 貫切隱世高人性格。梅魚馬友肉餅飯 ($48)鹹魚大小剛好, 肉餅真材實料, 唔會好似黑店咁, 加大量粟粉。記得!!! 用鹹魚油
這就是 "長龍食府", 門面玩味甚重, 極似TBB的古裝片客棧。令本公主AR晒頭的是, 老闆好似為興趣開鋪吧 (註: 唔代表無禮貌), 疑點如下:
一. 食府開响清潔橫巷內 (煙民 "打邊爐"勝地), 明知前面是"另一排隊食肆 -孖沙"側門, 都唔放BANNER宣傳?
二. 有50%門口長期用非透明既屏風/門 格咗, 第一次行過, 仲以為係接大廈批發單, 唔受街客玩。
三. 門外亦沒有員工站出來當RECEPTION拉客的 (其他食肆, 十間有九間, 都有阿哥/姐大叫今日有乜餸)。
講明是橫巷, 店面積不大, (見上圖)我站在貼牆拍照, 就見晒店兩道牆, 可見向其之窄!!!店面是中式風, 店內是IKEA的西式風, 沒有音樂, 沒有城市的雜聲 (橫巷), 大家只是安靜的吃飯, 有點慢食主意味。
食府沒有大多選擇, 餸名則老實不花巧, 即使全店以 "砵仔" 裝餸, 都唔會改餸名為砵仔XXXX, 貫切隱世高人性格。
梅魚馬友肉餅飯 ($48)鹹魚大小剛好, 肉餅真材實料, 唔會好似黑店咁, 加大量粟粉。
記得!!! 用鹹魚油送飯, 呢啲先係精華所在。
鹹蛋蒸肉餅飯 ($36)對比梅魚馬友肉餅飯, 這肉餅是香甜的!
可見, 老闆並非蒸起晒啲肉餅, 只係加配料。
北菇腊腸滑雞飯 ($38)可能兩款肉餅飯太野味, 雞飯相對失色。
腊腸不油, 亦鬆化唔硬, 仲附送兩隻雞翼尖 (開心死我這雞翼尖FANS)
Other Info. :
雖然隱世, 外面沒排隊小組, 但十二點半已全場爆滿!
一點多, 餐牌三款食品已售罄!!!
(The above review is the personal opinion of a user which does not represent OpenRice's point of view.)
Post
