月軒廚房 (Closed)

日前與同事經過天樂里，發現這間新酒樓，看見它的新開張優惠，即管試試：新開張期間買炒粉麵飯送點心；試過咸魚雞粒炒飯同羅漢齋炒麵，前者飯粒分分明，少少咸好好味，老細話明係靚咸魚喎；羅漢齋炒麵 "餸" 和脆麵分上，所以遲d夾麵食o既同事都保證食到卜卜脆o既麵；招牌炸子雞（$288 / 隻） - 上菜時老闆話係靚雞，一食果然唔同，香口唔太油亦有雞味，唔駛點淮鹽都夠晒惹味；紫薯浸翡翠（$78） - 一睇就知健康滿分，紫心蕃薯軟糯，日本南瓜粒清甜，我猛咁"but"湯汁喝都一點不覺咸；出街食飯難得有咁有特色又健康o既素食菜式；燕窩蛋撻（大點） - 嘩呢個不可不推介，牛油皮酥脆又香牛油味，蛋撻饀熱辣又滑溜，面層加燕窩更添貴氣；其他如蝦餃，燒賣等都有水準，酒樓仲定時提供不同優惠，有機會再同屋企人試試。