旺泰特食

Open Now

Now Closed

今日係個伙記生日，於是book左泰國餐廳慶祝，平日尼哩度基本唔會有位既，好在的地識個老闆先可以打尖有張大枱比我地。坐低人未齊先叫支泰啤啤啤先然後必食既串燒，哩到d串燒唔同平時出面食既乾燒，而係好似紅燒肉咁，好juicy，有d似叉燒加沙嗲醬。食泰國菜基本一定叫生蝦然後係冬陰功，原隻龍蝦響入面，話說冬陰功好似話有好多功效，又養顏又乜咁既。再尼就係正宗無骨海南雞，配埋油飯就冇得頂再尼泰國特色生菜包跟住哩個超級大大隻賴尿蝦就唔講唔得，食完記留低d炸蒜撈生菜包肉醬，識食既可以加落油飯都好正。食飽飽臨近尾聲，老細抬埋個蛋糕入尼唱多國語言版既生日歌，仲送左支紅酒比壽星公八個人玩到咁，飲左四支紅酒，五六支啤酒，椰青，龍眼冰，十幾個送，埋單到兩千零蚊，算超底超值。