Video
Read full review
2008-07-29
10 views
好耐無幫襯過小巴黎，因為越南嘢通常都唔係我搵食首選，之但係耐無嚟又想食吓喎，依度食唔貴，4個人，5樣嘢，食到飽晒，都係$190，無加一，算經濟喇啩！小巴黎晌屯門、沙田、灣仔都有，而荃灣都有成兩間，哩間都好多年，所以，內籠仲係好舊式越南裝修。5個餸樣樣有D：什錦拼盤、蝦仁豬肉手卷、南乳碎炸雞、馬拉盞炒通菜、越式濕炒檬，份量味道都對辦，水準穩定，果然係老店呀！什錦拼盤（$52）－有越式炸春卷、粉卷、香茅雞翼同炸豬肉餅。就算食貴D嘅越式拼盤，都無炸蝦餅，不過有蝦丸！蝦仁豬肉手卷（$22）－唔係日本嘢，越南都有手卷，當然同日式手卷係兩樣嘢啦！賣相幾靚仔，半透明好薄嘅粉皮包住生菜、大蝦仁、炒豬肉碎同其他配料，好味，幾清新！南乳碎炸雞（$50）－南乳味香濃，D雞件唔會炸到油淋淋，不過一客唔係好多件，$50客好似貴咗D。馬拉盞炒通菜（$28）－鹹香惹味，無死鹹，通菜炒得夠爽口，咬落索索聲！越式濕炒檬（$38）－點都要叫個炒粉飯麵墊墊肚嘅，依個濕炒檬唔錯，面面有牛肉同肉片，有D似港式嘅濕炒牛河！
什錦拼盤（$52）－有越式炸春卷、粉卷、香茅雞翼同炸豬肉餅。就算食貴D嘅越式拼盤，都無炸蝦餅，不過有蝦丸！
蝦仁豬肉手卷（$22）－唔係日本嘢，越南都有手卷，當然同日式手卷係兩樣嘢啦！賣相幾靚仔，半透明好薄嘅粉皮包住生菜、大蝦仁、炒豬肉碎同其他配料，好味，幾清新！
南乳碎炸雞（$50）－南乳味香濃，D雞件唔會炸到油淋淋，不過一客唔係好多件，$50客好似貴咗D。
馬拉盞炒通菜（$28）－鹹香惹味，無死鹹，通菜炒得夠爽口，咬落索索聲！
越式濕炒檬（$38）－點都要叫個炒粉飯麵墊墊肚嘅，依個濕炒檬唔錯，面面有牛肉同肉片，有D似港式嘅濕炒牛河！
Post
