滷府 (Closed)

今日收工加料返屋企 之前聽朋友介紹公司附近開咗間鹵水鵝店 嗰店名好搞笑叫做鹵府 同老虎嘅諧音好似 所以特別深刻 而屋企人不嬲都鍾意食呢D野 所以買咗一份例牌鹵水鵝片$168試試見住師傅原隻鹵水鵝斬出嚟 雖然我叫咗嘅係鹵水鵝片 但其實只係面頭先係起曬骨嘅鵝片 底下依然係有骨嘅鵝肉件 仲有腐皮墊底添 Overall分量正正常常 包裝其實都幾精美鹵水鵝食得出係新鮮 啲肉依然有肉汁 鵝皮彈牙有膠又入味 整體調味其實都幾唔錯 屋企人都鍾意食 以前試過喺其他地方買鹵水鵝唔好彩買左D放咗隔夜既鵝會收曬水乾柴無肉汁 食落真係差好遠㗎除咗鹵水鵝之外 其實呢度都有唔同嘅滷水嘢食 同時亦有跟飯野飲既套餐 如果有時想過下口癮又食唔曬成份例牌 都可以叫個Set搞掂一餐