尚興潮州海鮮飯店

Open Now

Now Closed

Item: Shung Hing Chiu Chow Seafood Restaurant
Rating: 4
Author: luvso828

Shung Hing Chiu Chow Seafood Restaurant

3.5

77 Reviews

Taste

Decor

Service

Hygiene

Value

6653

Sheung Wan

$201-400

Chiu Chow Seafood Stir-Fry

luvso828

Level2

Read full review

食物包含魚翅環保人士不喜勿插🫣🫣

星期一早收工，同朋友約咗喺上環食飯。朋友細個住上環，話有一間飯店喺佢細細個嘅時候已經喺度但一直以來都未食過，同埋好耐冇食過魚翅，所以想一嚐呢間潮州老飯店。

今次我想講咗服務態度先5/5⭐️

店內員工，大多數係叔叔嬸嬸，但佢哋嘅服務態度認真有禮，真係要俾五粒星👍🏻

我哋嗰日好早去到去到飯店，時間都未到5:30pm，喺門口見到餐廳內嘅員工還在休息，我哋就問佢哋開舖未，佢哋一見到有客人就即刻起身開工，招呼我哋上咗一樓。

一坐低員工已經呈上功夫茶同鹹菜，幫我哋開杯斟茶，準備盒裝紙巾同濕紙巾準用，服務同我想像中嘅舊式飯店完全唔同👍🏻 食飯途中亦會為相應嘅食物準備唔同嘅餐具，另外換碟同埋添茶都非常殷勤👍🏻
幫我哋落單嘅叔叔員工仲耐唔耐都會問吓我哋好唔好食或者點樣食會好食啲，同埋介紹吓啲餸菜咁，非常欣賞❤️

跟住就講食物，我哋點咗白灼螺片，滷水鵝片拼墨魚一個大鮑翅、一個潮州翅同埋韭菜盒。

鹹菜同功夫茶 4/5⭐️

一坐低就會有鹹菜同功夫茶自動上枱，功夫茶細細杯第一啖飲落好似普洱嗰啲紅茶，但之後就有啲回甘嘅味道都幾好飲；鹹菜佢哋醃得味道適中唔太濃味，但係又會令到你好想繼續食下一塊嘅感覺🤣

白灼螺片3.5/5⭐️

聽聞呢度嘅白灼螺片係招牌菜，Menu寫嘅係時價，個日售價係$1100一片我哋於是就叫咗一塊諗住share，相片係半塊嘅size。因為員工已經好勤快幫我哋切開左一半同分埋碟，一人一份。味道鮮同爽口，完全冇腥味，配埋佢哋嘅蝦醬又有另一番風味，不過價錢嚟講覺得偏貴，所以俾3.5⭐️🫣

滷水鵝片拼墨魚 4/5⭐️

Menu無雙拼同冇鵝片，我地問員工可唔可以做到佢哋話冇問題👌🏻味道方面，鵝片同墨魚唔韌同爽口，另外仲有幾件鵝肉，配埋醬料，好味道。醬料，仲要係一人一碟，夠晒衛生，抵讚。墊底嘅豆腐吸晒佢哋嘅滷水汁唔太鹹又嫩滑，好好味。

紅燒大鮑翅 5/5⭐️

今日嘅主角，紅燒大包次，湯底夠熱，味道濃郁，入邊嘅翅一梳梳有啲真係好似筷子咁粗；另外配埋芽菜同埋芫荽仲有金華火腿絲撈埋個湯一齊飲，又係另一種味道芫荽真係為呢個湯底生色不少。

潮州紅燒魚翅 4/5⭐️

我哋特登帶咗另一個唔同嘅翅，想同個紅燒大鮑翅比較一下佢嘅湯底同翅嘅分別，個湯底有啲唔同有啲回甘嘅味，幾特別，但係佢嘅翅同紅燒大鮑翅比就真係幾大分別，冇一梳梳同埋個粗度都爭幾遠。

韭菜盒 3.5/5⭐️

嗌嘅時候以為個餡料係韭菜，上到枱食既時候先知道原來佢個韭菜係撈左入個皮度猜，入邊嘅餡料係海鮮餡料。個皮有少少煙煙韌韌，唔係脆卜卜嘅感覺，調味唔咸，幾特別，可以一試。

糖水清心丸鬥豆爽 5/5⭐️

差唔多食完我哋諗住嗌糖水，因為好鍾意食潮州糖水，特別係清心丸。員工就話有豆爽糖水送，即係好似人哋紅豆沙細細碗咁飯後甜品。我哋問可唔可以加埋清心丸落去🫣，叔叔員工話冇問題就即刻去煲糖水👍🏻👍🏻佢知道啲糖水就嚟煲好，但係佢幫緊其他人落單都特登叫同事準備糖水俾我哋，非常上心❤️❤️豆爽糖水味道唔太甜，清心丸煲得透徹，煙煙韌韌配埋豆爽一齊食，有口感又好味道。

總括嚟講，今次老飯店嘅體驗非常之好，完全冇諗過店內嘅員工做事上心態度殷勤超級抵讚，食物方面，紅燒大鮑翅真心推介。